Екстремните временски услови ја погодија областа со повеќе од 100 милиони луѓе, со силни ветрови и виулици на север и поголем ризик од пожари во потопли и суви места на југ. Експертите велат дека ваквите временски услови не се невообичаени во март.
Гувернерот на Мисисипи, Тејт Ривс, изјави дека шест лица загинале во три окрузи, уште три се водат како исчезнати во саботата вечерта, бидејќи бурите се преселиле на исток во Алабама, каде патиштата биле непроодни.
Tylertown, Mississippi was devastated after a tornado hit the town on Saturday afternoon.
Please keep your weather notifications on tonight, the system continues to move east. #mississippi #tornado pic.twitter.com/Ju4QKjOEXV— Weather & Radar USA (@WeatherRadar_US) March 16, 2025
Официјални лица потврдија три смртни случаи во Арканзас, каде што гувернерката Сара Хакаби Сандерс прогласи вонредна состојба. Гувернерот на Џорџија Брајан Кемп го направи истото во пресрет на бурата која се движи кон исток.
Please keep the Cave City, Arkansas community in your prayers today as they face the aftermath of a tornado that passed through the town last night.
Thankful that God watched over my family and their home, but many in the path faced significant damage.#CaveCityStrong ❤️🩹 pic.twitter.com/FoduU8omGX
— Trice High (@Tr1ce_H1gh) March 15, 2025
Песочните бури предизвикани од силните ветрови во петокот однесоа десетици животи. Осум лица загинаа во сообраќајна несреќа на автопат во Канзас во која учествуваа најмалку 50 возила. Властите соопштија дека три лица загинале и во сообраќајни несреќи за време на невремето во Амарило, Тексас.
Наредена е евакуација во делови на Оклахома бидејќи биле пријавени повеќе од 130 пожари во кои речиси 300 домови биле оштетени или уништени. Гувернерот Кевин Стит изјави дека изгореле околу 689 квадратни километри, велејќи дека е уништен и неговиот дом на ранчот североисточно од Оклахома Сити.
So heartbroken over the loss of those in Stillwater. pic.twitter.com/8BN0DNSrLY
— A Man In A Place With 14 Sticks (@AManInPlace) March 15, 2025
На север, Националната метеоролошка служба издаде предупредувања за снежна бура за делови од западна Минесота и источна Јужна Дакота. Се очекуваат снежни наноси од 7,6 до 15,2 сантиметри, а можно е и до 30 сантиметри.
Силните торнада продолжија доцна во саботата, при што регионот во најголем ризик се протега од источна Луизијана и Мисисипи до Алабама, западна Џорџија и Флорида, соопшти Центарот за предвидување бури.
