Топката за финалето на Лигата на шампионите ќе има натпис „мир“ (ФОТО+ВИДЕО)

Поради војната во Украина, топката на финалето од Лигата на шампионите ќе биде со натпис „мир“. По натпреварот топката ќе биде понудена на аукција, а собраните средства ќе одат во хуманитарна акција за бегалците од Украина.

 

„Топката со која ќе се игра финалето од Лигата на шампионите по мечот ќе биде понудена на аукција, а целиот приход ќе оди во Високата комисија на ОН за бегалци (УНХЦР) за да се обезбеди заштита и помош на бегалците кои се принудени да ги напуштат своите домови“, се вели во соопштението на Адидас.

 

Финалето меѓу Ливерпул и Реал Мадрид се игра во сабота од 21 часот.