Тони Крос се повлече од националниот тим по поразот од Англија во осмина-финале на ЕВРО 2020, но изминативе неколку дена се почесто се шпекулира дека фудбалерот од средниот ред размислува за враќање во репрезентацијата.
Неговиот соиграч од Реал Мадрид, Антонио Ридигер минатата недела откри дека секој ден го моли Тони Крос повторно да заигра за Германија.
Дури и селекторот Јулијан Нагелсман ја отвори вратата за ова и откри дека е во контакт со Тони Крос.
Како што пишува Билд, има неколку причини за едно вакво сценарио, а една е особено изненадувачка.
Тони Крос е семеен човек, па е возбуден од идејата синовите Леон и Фин, и ќерката Амелие да го видат својот татко во дресот на Германија на Европско првенство во сопствената земја.
