Рома има 96 годишна историја, но пред Португалецот само двапати имаа играно во европско финале, тоа беше во 1984 кога во Купот на европските шампиони загубија од Ливерпул и во 1991 година кога во Купот на УЕФА беа поразени од Интер.
Тој успех Мурињо го постигна за две сезони, ја однесе Рома во две европски финалиња и ѝ го донесе првиот европски трофеј со освојувањето на Конференциската лига.
2 – AS Roma have reached the Final of a Major UEFA European competition for the second season in a row: as many finals as the Giallorossi have previously reached in their UEFA’s history (1983/84 European Cup and 1990/91 UEFA Cup). Mourinho.#UEL #BayerRoma #B04ASR pic.twitter.com/7jUJ6P6iWn
— OptaPaolo (@OptaPaolo) May 18, 2023
Рома за оваа сезона за трансфери потроши само седум милиони евра со кои го купи Челик, сите останати кои беа потпишани дојдоа или како слободни играчи или на позајмици. Тоа само дополнително зборува за големината на Мурињо и тежината на успехот кој го направи.
Во финалето во Будимпешта, Рома ќе игра против Севиља која дури шест пати победила во Лига Европа и ниту еднаш не загубила финале во ова натпреварување.
Од друга страна пак, за Мурињо тоа ќе биде шестто европско финале и ниту тој нема пораз. Една перфектна низа ќе биде прекината на 31. мај, останува да видиме дали на Севиља или таа на Португалецот.
