среда, 29 мај 2024

Текстилната индустрија се соочува со недостиг на работа, предупредува Димитров

Ако до пред извесен период конфекциите бараа работник плус, денеска се соочуваат со недостиг на работа. Државата станува прескапа за европската мода, вели Ангел Димитров од Организација на работодавачи и потенцира дека ситуацијата се менува од ден на ден.

Објавено на

часот

Сподели

Странските партнери се насочени кон далечниот Исток, вели Димитров и Македонија се соочува со проблем да остане без доволно работа.

„Ситуацијата се менува од ден во ден. Додека до пред месец дена баравме повеќе работници и повисоки цени за да можеме да ја качиме платата, сега странците видоа дека Македонија станува скапа за производство на текстил и отидоа во далечниот Исток и сега се судираме со проблемот недостиг на работа“, вели Димитров.

Според него, ова е и причина за повеќе од 20 отсто кај некои компании да се намали производството на машка и женска конфекција. Забележува дека загрижува состојбата во помалите конфекции.

„Од компаниите коишто изработуваат работна облека имат помал пад, додека оние кои работат модно, имаат многу поголем пад, без разлика дали се работи за машка или женска конфекција. Кај некои од нив тој пад е поголем и од 20 отсто и дел од нив се мислат до кога да останат и да ги затворат своите конфекции“, изјави Димитров.

Во оваа индустриска гранка годинава се очекува дополнителен пад на бројот на работници, но и на производството од три до пет проценти.

ТОП ВЕСТИ

ПОСЛЕДНИ ВЕСТИ