Според информациите од СВР Куманово, несреќата се случила околу 14 часот.
„Во Одделот за внатрешни работи Крива Паланка денеска било пријавено дека на експресен пат Куманово-Крива Паланка се случила сообраќајна незгода во која патничко моторно возило ‘фолксваген голф’ со кривопаланечки регистарски ознаки управувано од Б.С. излетало од патот. Во незгодата, осумдесетгодишниот сопатник Б.П. починал на лице место, додека со повреди се здобиле возачот и сопатникот М.П.“, информира портпаролот на СВР Куманово, Ивана Младеновска.
