Баерн Минхен со недели работи на трансфер на Кајл Вокер, кој е подготвен да замине од Манчестер Сити и да се пресели на Алианц Арена.
Но ова не им се допаѓа на ветераните во составот на „баварците“ на кои им пречи тоа што Англичанецот добива долгогодишен договор.
Баерн Минхен на Кајл Вокер му нуди договор на две сезони, плус опција за додатни 12 месеци со што ја погазува практиката од минатото, кога на играчи постари од 30 години им ги продолжуваше договорите само на една година, ова важеше и за легенди како Томас Милер и Мануел Нојер.
