Телевизискиот сигнал е нарушен во вториот најголем украински град, кој во последните недели е мета на руски воздушни напади со проектили и дронови. „Во овој момент има прекини на дигиталниот телевизиски сигнал“, кажа регионалниот гувернер Олег Синегубов. Тој додаде дека немало жртви бидејќи работниците биле во скривници.
На снимка објавена на социјалните мрежи се гледа како кулата се прекршува и паѓа на земја.
A Russian air attack has just taken out the Kharkiv TV tower, according to regional head Oleh Syniehubov. He says no victims, workers were sheltering during the attack. The TV signal has been interrupted. Video and photo from local Telegram channels but confirmed by authorities. pic.twitter.com/RYBPhdiG6Z
— Christopher Miller (@ChristopherJM) April 22, 2024
На снимката не се гледа јасно што удрило во кулата, но локалните власти соопштија дека веројатно станува збор за руска крстосувачка ракета Кх-59.
Руските сили неодамна ги засилија своите напади, додека Украина речиси нема противвоздушна одбрана. Харков и околината се под најжестоки напади.