Ерол Маск за Тајмс Радио изјави дека Стармер – кој го навлече гневот на помладиот Маск на почетокот од оваа година додека полицијата се бореше да ги заузда немирите на екстремната десница што ја зафатија земјата – води „тотално фашистичка“ влада каде што „апсолутно ништо не е демократско“, наведе Политико.
Elon Musk’s dad has said that Britain is a fascist hell now.https://t.co/Xa6OAAPn1z
— POLITICOEurope (@POLITICOEurope) November 4, 2024
„Стармер мора да поднесе оставка и мора да се одржат нови избори во Англија бидејќи луѓето сега добија повик за будење“, рече тој за владата избрана во јули.
„Треба повторно да изберат влада во оваа земја. Оваа влада што ја имате сега е пат до пеколот. Цитирај ме за тоа. Патот до пеколот е владата на Стармер“.
Ерол Маск, рударски тајкун и поранешен политичар, имал тежок однос со својот син. Во интервју во 2017 година, Илон го означи како „ужасно човечко суштество“ способно за „зло“.
Но, Маск постариот оттогаш зборуваше со одобрување за неодамнешното влегување на својот син во американската политика и рече дека Илон – кој моментално води кампања за Доналд Трамп – „не е баш десничар“.
„Илон е централист. Исто како толпата што протестираше во Англија поради околностите од кои не беа задоволни, ниту еден од нив не беше ориентиран кон крајната десница. Тие беа обични луѓе кои изразуваа легитимни поплаки“.
Илон Маск се судри со Стармер неколку пати во текот на летото додека насилство се ширеше низ Велика Британија по нападот со нож во Саутемптон во кој беа убиени три деца.
Маск директно го нападна британскиот премиер на Икс и предвиде „граѓанска војна“ во земјата.
Неговите коментари му донесоа укор од неколку министри во британската влада во тоа време.
