Нападот предизвика повеќе пожари, меѓу ранетите има шест деца, а некои луѓе сè уште се заробени под урнатините, соопштија официјални лица. „Тоа беше разорување. Потрагата по луѓе под урнатините продолжува“, напиша Државната служба за вонредни состојби на апликацијата за пораки Телеграм.
Украинскиот министер за надворешни работи Андриј Сибиха на социјалната мрежа Икс напиша дека „бруталните напади“ покажале дека Русија, а не Украина е пречката за мирот. Русија не го коментираше веднаш нападот.
Градоначалникот на Киев, Виталиј Кличко, изјави дека досега е потврдено дека загинале осум лица во главниот град на Украина, иако властите претходно соопштија дека има девет убиени, пренесе Ројтерс.
Најсериозниот инцидент се случи во станбена зграда што беше уништена во областа Свјатошински западно од центарот на градот.
“Peace-loving” Russians just attacked the capital of Ukraine with Shahed drones.
A fire broke out in a residential building in the Svyatoshynskyi district. People are trapped under the rubble. Rescuers and medics are working at the scene.
There are also fires in… pic.twitter.com/voAxj1EhSe
— Natalka (@NatalkaKyiv) April 23, 2025
Сликите објавени на Телеграм покажуваат спасувачки тимови што работат со рефлектори, внимателно се движат низ купиштата урнатини и се качуваат по скали што се протегаат по фасадите на зградите. Полицијата ѕвонела од стан во стан за да утврди дали жителите се безбедни.
Спасувачките екипи, соопшти Службата за вонредни ситуации, работат на 13 локации во главниот град на Украина, а избувнале 40 пожари.
„Се слушаат мобилни телефони како ѕвонат под урнатините. Потрагата ќе продолжи сè додека не биде јасно дека тие пронашле сè“, се вели во соопштението.
Пожари избувнале во гаражи, административни згради, а паднатите метални парчиња удирале во возила.
Предупредувањето за воздушен напад во главниот град на Украина беше во сила шест часа.
Ројтерс пишува дека нападот се случил во критичен момент од руската војна во Украина, која почна со инвазијата на Москва во 2022 година, при што и Киев и Москва се под притисок на американскиот претседател Доналд Трамп да покажат напредок кон мировниот договор.
Нападнати и Харков и областа Житомир
Харков, вториот по големина град во Украина на североистокот, претрпе два брана руски ракетни напади во текот на ноќта, при што беа повредени две лица и скршени се прозорци, напиша градоначалникот Ихор Терехов на Телеграм, пренесува Ројтерс.
russia launched a massive attack on Ukraine using cruise missiles, Caliber missiles, ballistic missiles, Kh-59/69 missiles, and drones.
According to preliminary reports, ten people were killed in the russian attack.
Kyiv, Kharkiv, Pavlohrad, Zhytomyr, and other cities and… pic.twitter.com/afufgX5WwY
— Jürgen Nauditt 🇩🇪🇺🇦 (@jurgen_nauditt) April 24, 2025
Оштетувања има и во регионот Житомир, западно од Киев, каде што службите за итни случаи соопштија дека руските сили извршиле уште еден напад врз спасувачките тимови што се борат со пожарот, при што е повреден еден работник.
Украинската државна железница „Укрзализница“ соопшти дека била нападната железничката инфраструктура, а двајца железничари се повредени.
Rescuers pulled a person from the rubble in the Svyatoshyn district.
He is alive, thankfully.It is a young man, he spent over six hours trapped under the debris. Rescuers found him during a moment of silence (they are announced at regular intervals).
There might be more people… pic.twitter.com/cYoLBGXhHI
— Anton Gerashchenko (@Gerashchenko_en) April 24, 2025
Во областите Киев и Харков, гранатирањето ја оштетило железницата и административни и технички згради, но возовите сообраќаат нормално.
