Јазот според овие податоци за 2023 година изнесувал 16 проценти, што е приближно иста вредност како и претходната година. Во 2006 година, разликата помеѓу заработката на мажите и жените била 23 проценти. Според извештајот, разликата во платите може да се објасни во 60 проценти од случаите со фактот дека жените почесто работат со скратено работно време и на работни места кои традиционално се помалку платени.
Како по правило, саатницата на луѓето кои работат со скратено работно време е помала од онаа на вработените со полно работно време. Жените исто така имаат поголема веројатност да се грижат за немоќни членови на семејството и да се грижат за деца, поради што често го прекинуваат својот работен однос.
Најмалата разлика во платите на жените и мажите е забележана во јавната администрација, како и на истокот од земјата. Институтот за економски и социјални истражувања (ВСЈ) ги критикуваше новите статистички податоци кои покажуваат „зацврстена нееднаквост“ меѓу мажите и жените во Германија.
Овој институт, кој е близок до социјалдемократската Фондација Ханс Беклер, верува дека планираната директива на Европската Унија за транспарентност на платите би можела да донесе подобрување.
