Иако потврди дека средбата со Рамафоза ќе се одржи, Зеленски најави дека ќе го скрати престојот во земјата и дека веднаш по средбата се враќа во Украина, откако синоќа во рускиот напад на Киев загинаа седум лица.
„Откажувам дел од програмата и се враќам во Украина веднаш по средбата со претседателот Рамафоза“, рече Зеленски.
Тој додаде дека украинскиот министер за надворешни работи ќе остане во Јужна Африка и ќе ги одржи сите планирани состаноци „за да може политичкото и граѓанското раководство на земјата да биде целосно информирано за ситуацијата“.
Украинскиот претседател рече дека Русија во текот на ноќта истрелала речиси 70 проектили, вклучително и балистички ракети, и околу 150 беспилотни летала кон Украина.
„Тие напади мора веднаш и безусловно да престанат“, рече Зеленски, заблагодарувајќи им се на сите низ светот што ја поддржуваат Украина.
