Киев е подготвен за „целосен прекин на огнот“ без предуслови, изјави украинскиот претседател Владимир Зеленски. Примирје може да се воспостави „веднаш од овој момент“, рече тој во изјава објавена на неговиот официјален канал на Телеграм по денешниот разговор со американскиот претседател Доналд Трамп.
Според украинскиот лидер, тој разговарал за начините за „доведување до вистинско и трајно примирје“, како и за „ситуацијата на фронтот“ и „дипломатската работа“. Тој рече дека примирјето треба да трае најмалку 30 дена и дека тоа може да „даде многу шанси за дипломатија“.
„Украина е подготвена за целосен прекин на огнот уште денес, уште од овој момент“, изјави тој, додавајќи дека не треба да има „ракетни напади, беспилотни летала и… стотици напади на фронтот“.
Зеленски рече дека Русија треба да даде „соодветен“ одговор на оваа понуда и „да ја докаже својата подготвеност да ја заврши војната“. Украинскиот лидер, исто така, го повика Вашингтон да „помогне во ова“.
