„Благодарни сме му на претседателот на Соединетите Американски Држави за сите напори насочени кон праведен и траен мир. Навистина е неопходно убивањето да сопре што е можно поскоро и целосно ја поддржуваме таа иницијатива. Многу месеци веќе можеа да поминат без војна, доколку Русија не ја продолжеше и не ја одолговлекуваше. Денес ги усогласивме нашите позиции – Украина и Соединетите Американски Држави. Разменивме проценки за ситуацијата: Русите ја зголемија бруталноста на своите напади. Претседателот Трамп е целосно информиран за руските напади врз Киев и други градови и заедници“, напиша Зеленски на мрежата Икс.
A productive conversation with President Trump, with the key focus of course being ending the war. We are grateful to @POTUS for all efforts toward a just and lasting peace. It is truly a must to stop the killing as soon as possible, and we fully support this. Many months could… pic.twitter.com/2doL7xsGkG
— Volodymyr Zelenskyy / Володимир Зеленський (@ZelenskyyUa) August 5, 2025
Претседателот на Украина кажа дека разговарале и за санкциите против Русија.
„Нивната економија продолжува да опаѓа и токму затоа Москва е многу чувствителна на оваа можност и на решителноста на претседателот Трамп. Ова може многу да промени. Разговаравме и за заеднички европски одлуки што можат да помогнат во нашата одбрана. Веќе имаме обврски од Холандија, Шведска, Норвешка и Данска – над милијарда долари за американско оружје што Украина ќе го добие. Ви благодариме! Оваа соработка со земјите од НАТО ќе продолжи.“
Зеленски на социјалната мрежа Икс објави и дека со Трамп разговарал за билатералната одбранбена соработка со Америка.
„Нацрт-договорот за беспилотни летала е веќе подготвен од украинска страна, ние сме подготвени детално да го разговараме и да го склучиме. Тоа би можело да биде еден од најсилните договори“, порача претседателот на Украина.
