„Предложив Јулија Свириденко да го преземе раководството на украинската влада и значително да ја обнови нејзината работа“, изјави Зеленски на социјалната мрежа Икс.
„Наскоро очекувам да биде презентиран новиот акционен план на владата“.
I held a meeting with First Deputy Prime Minister Yuliia Svyrydenko. A report was delivered on the implementation of agreements with European and American partners regarding support for Ukraine reached during the recent Ukraine Recovery Conference. We must swiftly implement… pic.twitter.com/AIipRnpA1f
— Volodymyr Zelenskyy / Володимир Зеленський (@ZelenskyyUa) July 14, 2025
Зеленски рече дека претходно истиот ден имал средба со Свириденко, за време на која разговарале за соработката со САД и Европа, зајакнувањето на украинската економија, забрзувањето на домашното воено производство, како и понатамошната реформа на извршната власт.
Новиот премиерски мандат на Свириденко доаѓа во време кога Украина влезе во клучна фаза од војната и се обидува да ја консолидира внатрешната стабилност и партнерската поддршка од странство.
„Мораме брзо да спроведеме сè што можеме за да ја зајакнеме отпорноста на нашата земја и општество“, истакна претседателот.
Со ова соопштение заврши мандатот на сегашниот премиер, Денис Шмигаљ, кој ја извршуваше оваа функција од 4 март 2020 година. За време на неговиот мандат, Украина се соочи со пандемија, економска криза и руска инвазија, што значително ги промени приоритетите на владата.
Со назначувањето на Свириденко, Зеленски јасно сигнализира желба за подинамична и оперативна влада, со фокус на ефикасност, воена отпорност и меѓународна координација, пренесуваат украинските медиуми.
