Одлуката би се однесувала на оние чии казни се конечни и повеќе не можат да се обжалат, на оние кои имаат помалку од две години да отслужат и не ги прекршиле дисциплинските мерки во последните 12 месеци.
Нема да се однесува на оние кои се во затвор за тероризам, организиран криминал, силување, шверц на мигранти и киднапирање, додаде министерството.
Според базата на податоци „Ворлд призон бриф“, Италија има еден од најпреполните затворски системи во Европа, со зафатеност од 122 проценти. Во Европа, само Кипар, Франција и Турција се повисоко рангирани, според таа база на податоци.
Тешката состојба на затворениците во Италија го привлече вниманието на јавноста по зголемувањето на бројот на самоубиства и поплаките за високите летни температури во притворските установи без климатизација.
И покрај ова, предвременото ослободување на затворениците е политички чувствителен потег, па затоа министерството нагласува дека тоа нема да се случи преку ноќ.
Институцијата соопшти дека формирала работна група за соработка со затворите и судиите за условна слобода за да се олесни донесувањето одлуки за поединечни случаи. Тоа тело ќе се состанува еднаш неделно и ќе поднесува извештаи за својата работа до септември.
