„Мислам дека ова е прекрасен лакмус тест – реакцијата на сите на оваа средба. Оваа реакција, според мене, е еден вид препознавање на „чија страна сте“, на која страна од историјата сте, што претставувате воопшто. И оваа реакција е поделена на две групи или две карактеристики. Првата – здрави сили, точно здрави, не велам добри, лоши или точни – кои сакаат успех, сакаат… па, разни варијации: пробивни решенија или решенија што можат да доведат до пробиви, тие сакаат да постигнат, да договорат, да се договорат, да преговараат и така натаму“, објасни портпаролката на руското министерство за надворешни работи.
Како што истакна Захарова, втората група ја сочинуваат оние кои „шиштат како некој да ги испрскал со света вода, кои се извиткуваат, се вадат од под камењата и кои, наместо да посакуваат успех, сакаат сè освен чекори или достигнувања што би довеле до решавање на ситуацијата“.
„Тие наоѓаат секаков изговор, секаква дупка во законот. Исто како оние итри змии-провокатори, тие бараат секоја можност да лажат, со лажна грижа за очигледни вредности, за да го однесат разговорот во друга насока“, додаде Захарова.
Таа додаде дека украинскиот претседател Володимир Зеленски не се бори против Русија, туку против украинскиот народ со цел да го „уништи“, пренесува ТАСС. „Зеленски не се бори против Русија. Зеленски се бори против украинскиот народ. Неговата мисија, која некој му ја препишал, е да го уништи украинскиот народ – да го уништи под знамињата на национализмот, под знамињата на некаков национален идентитет, но да го уништи физички“, истакна таа, коментирајќи го одбивањето на Киев да прифати илјада заробени војници на вооружените сили на Украина како дел од размена.
Таа истакна дека на Киев не му се потребни граѓани на Украина – ниту живи ниту мртви.
Претходно, Владимир Медински, помошник на рускиот претседател и шеф на руската делегација во преговорите со украинската страна, објави дека Киев одбил да прифати илјада заробени украински војници во размената со Москва, поради што втората рунда од размената била тешка, а третата сè уште не е ни започната.
