„Едно барање е одлично и целосно го прифаќам – а тоа е да се примени Законот за потеклото на имотот. Да се види што имам јас и што имаат тие, и да се види пред граѓаните што се променило во изминатите години“, кажа Вучиќ пред новинарите од Србија кои го следат во Давос на Светскиот економски форум.
Тој кажа дека предложил да се испита имотот и на „сите 250 блокатори од листата“.
„Но, веднаш „мачката им го изеде јазикот“. Бидејќи таму има многу крадци“, кажа Вучиќ, иако изборната листа на студентите сè уште не е објавен, ниту пак е познато во кој формат ќе учествува парламентарната опозиција на следните избори.
Вучиќ кажа дека предлогот за спроведување лустрација е недемократски.
„Кога некого не можеш да го победиш, му забрануваш да се натпреварува… Едноставно нема смисла, особено ако тоа е нивниот план и програма во време кога целиот свет е во хаос и кога се создава нов поредок во кој ќе биде негиран суверенитетот на малите земји и во кој ќе се врши притисок сите да припаѓаат на еден, друг или трет блок“, кажа српскиот претседател.
