Српскиот претседател Александар Вучиќ синоќа изјави дека претседателските и парламентарните избори во земјата најверојатно ќе се одржат во декември 2026 година, или можеби дури и малку порано, и додаде дека Уставот нема да се менува, што значи дека тој нема повторно да се кандидира за претседател.
„Официјално ми остануваат уште година и пол до крајот на мојот мандат. Тој мандат веројатно ќе биде пократок и веројатно ќе одиме заедно на претседателските и парламентарните избори во декември 2026 година, а можеби и малку порано. Близу сум до крајот на мојот мандат. Не сакам да го менувам Уставот. Нема повторно да се кандидирам за претседател“, изјави Вучиќ за ТВ Пинк.
