Во едночасовното интервју во подкастот на Марио Нафал, Вучиќ се осврна на распаѓањето на Југославија и НАТО агресијата во 1999 година, но и на сегашната ситуација во Србија. Дел од разговорот Нафал сподели со своите 2,1 милион следачи во понеделникот.
На прашањето за агресијата на Сојузна Република Југославија во 1999, Вучиќ потсети дека НАТО дејствуваше нелегално и еднострано, без дозвола од Советот за безбедност на Обединетите нации.
„Сакаа да го спроведат тоа за да помогнат Косово и Метохија да се отцепи. Кога луѓето од ЕУ и САД денес му кажуваат на (рускиот претседател Владимир) Путин дека го крши територијалниот интегритет на Украина и меѓународното право и Повелбата на ОН, Путин има едноставен одговор – „не сум јас тој што го направи тоа прв, туку вие со Србија““, кажа Вучиќ.
Кога Западот се повикува на наводната хуманитарна катастрофа на косовските Албанци, Путин прашува зарем тоа не важи и за Русите во Донбас, додаде српскиот претседател.
Кога Косово прогласи независност во 2008, спротивно на Резолуцијата 1244 на Советот за безбедност на ОН, тоа го поддржаа владите на САД и повеќето земји од ЕУ.
„Сега се големи поддржувачи на меѓународното право и вредностите дека никој не може да ги менува границите. Но, вие тоа го направивте“, истакна Вучиќ и додаде дека тогаш не се грижеле премногу, бидејќи сакаа да го одвојат Косово од Србија.
„Во тоа време го имавте врвот на западната моќ, а (претседателот на САД Бил) Клинтон се соочуваше со интерни проблеми. Сите сакаа да покажат сила. Се обидуваа да направат пример од Србија. Мислеа дека Србите ќе се предадат по два-три дена, дека тоа ќе биде лесно“, напомена Вучиќ.
Според него, Србите прифатија некој вид компромисно решение во Резолуцијата 1244, но „целосно нелегалниот, криминален начин“ на кој Косово прогласи независност создаде преседан за конфликтот во Украина.
🚨🇷🇸EXCLUSIVE INTERVIEW – SERBIAN PRESIDENT: ‘THEY WANT TO OVERTHROW ME!’
Mass protests in the streets. Accusations of foreign interference.
Is Serbia on the edge of a democratic movement—or in the middle of a foreign-backed color revolution?
President Vucic: “They think it’s… https://t.co/wBLw4z2sqh pic.twitter.com/p9WJhMmPgj
— Mario Nawfal (@MarioNawfal) April 1, 2025
