Американската влада, и под актуелниот претседател Доналд Трамп и под неговиот претходник Џо Бајден, го ограничува извозот на некои полупроводнички чипови и опрема во Кина, повикувајќи се на наводно загрозување на националната безбедност.
Енвидија на тие ограничувања одговори со понуда на ослабена верзија на своите врвни чипови Х20 за кинескиот пазар, но таа верзија сега е опфатена со новото извозно ограничување, воведено кон средината на април. Во април водечкиот светски произведувач на чипови соопшти дека очекува отпишувања вредни до 5,5 милијарди долари поврзани со неговите Х20 производи.
„Секој кој мислеше дека еден шаховски потег со кој на Кина би ѝ се забранило користењето на Х20 системите некако ќе ја оневозможи нивната способност за користење АИ, длабоко е неупатен“, кажа Хуанг и додаде дека Енвидија не може да ги намали перформансите на своите чипови под актуелната верзија Х20.
