Дел од планинската падина во Џаму се урна и удри во популарната хинду патека за аџилак по обилните дождови во областа Катра доцна во вторникот. Телата на повеќето жртви на аџилакот беа извлечени од купишта камења и карпи, најмалку 18 лица беа повредени и пренесени во болници.
Спасувачките екипи денес го пребаруваа хималајскиот регион за исчезнати лица, а поклонението кон светилиштето беше прекинато.
Властите во источната пакистанска провинција Пенџаб денеска ја повикаа армијата да помогне во спасувачките и хуманитарните напори откако обилните дождови предизвикаа издигнување на големи реки, поплавување на селата и раселување на повеќе од 150.000 луѓе.
Спасувачите евакуираа повеќе од 20.000 луѓе во текот на ноќта од предградието на Лахор, вториот по големина град во Пакистан. Оние што беа евакуирани од областите во близина на Лахор живееја покрај бреговите на реката Рави.
Метеоролозите предвидоа дека дождот ќе продолжи да врне низ целиот регион оваа недела. Обилните дождови и ненадејните поплави на Хималаите убија речиси 100 луѓе во август.
Официјалните лица предупредија дека нивото на водата од поплавите во реките Рави, Ченаб и Сутлеџ опасно се зголемува и дека многу села се поплавени во областите Касур, Окара, Бахавалнагар, Бахавалпур, Вехари и Сиалкот.
Научниците велат дека климатските промени предизвикуваат пообилни монсунски дождови во Јужна Азија, поттикнувајќи стравувања од повторување на временската катастрофа од 2022 година што погоди една третина од Пакистан и однесе животи на 1.739 луѓе.
