Кампот Јомсборг, кој го изградиле инженери од норвешката бригада Норд во градот Липа, може да прими до 1.200 војници истовремено, порача полскиот министер за одбрана Владислав Косинјак Камиш на социјалната мрежа Икс. Тој додаде дека базата ќе се фокусира на „развој на капацитетите за беспилотни летала“.
Косинјак Камиш истакна дека и НАТО ќе има корист од украинското борбено искуство.
„Ова не е еднонасочна улица. Важен елемент е што ќе го добиеме украинското искуство. Веднаш до нас има писта за лансирање беспилотни летала“, кажа тој.
W Lipie otwarliśmy ośrodek szkolenia (Camp Jomsborg), utworzony w Polsce 🇵🇱we współpracy z Norwegią 🇳🇴
Bedzie to doskonałe miejsce do szkolenia naszego wojska, żołnierzy z Ukrainy oraz żołnierzy krajów skandynawskich. Będziemy tam również rozwijać nasze zdolności dronowe.… pic.twitter.com/yCSrzNnVCG— Władysław Kosiniak-Kamysz (@KosiniakKamysz) October 1, 2025
Полска е клучен логистички центар и центар за обука за западната воена помош за Украина од почетокот на конфликтот со Русија во 2022 година.
Во меѓувреме, лидерите на Европската Унија се согласија да создадат „ѕид од дронови“ по должината на источниот дел на блокот, по тврдењата на Полска минатиот месец дека руски беспилотни летала го нарушиле нејзиниот воздушен простор.
Естонија, исто така, тврди дека три руски борбени авиони влегле во нејзиниот воздушен простор во септември. Москва ги отфрли обете обвинувања како неосновани и ја обвини ЕУ за воено хушкање.
