Убиствата ја потресоа мексиканската престолнина, која вообичаено се смета за една од ретките побезбедни области во земјата растргната од насилство. Политички мотивираните напади станаа вообичаени во многу делови од Мексико, каде што десетици локални политичари и кандидати беа убиени во убиства главно поврзани со нарко-картели кои се обидуваат да го прошират своето влијание.
Според првичните информации, Гузман била на пат на работа и застанала на прометната авенија во центарот на градот за да земе колега, соопшти федералното обвинителство. Потоа на Муњоз му се приближиле двајца напаѓачи на мотоцикл и го застрелале на сред улица.
Потоа испукале најмалку четири куршуми кон Гузман, која била во автомобилот, убивајќи ја на место. На социјалните мрежи беше објавено видео од напаѓач како пука во автомобил.
#Mexico 🇲🇽: Ximena Guzmán (secretary to the mayor of Mexico City) and José Muñoz (adviser to the local government) shot and killed in #CDMX.
The perpetrator seemingly used an unidentified pistol which was hidden under a coat/jacket while waiting. pic.twitter.com/aIbya9Zs91
— War Noir (@war_noir) May 20, 2025
Властите сè уште не дадоа мотив за нападот, но безбедносните експерти велат дека сè укажува на егзекуција организирана од картелот. Градската служба за цивилна безбедност соопшти дека недалеку од местото на нападот бил пронајден мотоцикл, како и уште едно возило во областа Изтакалко. Инспекторите во моментов ги анализираат балистичките докази и отпечатоците од прстите од местото на злосторството.
„Неизмерно сум погодена од загубата на Химена и Пепе (Хосе), со кои со години ги делев истите соништа и борба“, изјави потресената градоначалничка, Бругада. Таа им се заблагодари на мексиканската претседателка Клаудија Шејнбаум и на членовите на нејзината влада за помошта и брзата реакција по нападот. Шајнбаум е поранешна градоначалничка на Мексико Сити.
„Ова е страшно злосторство и ќе ѝ ја дадеме сета потребна поддршка на градоначалничката“, рече Шејнбаум. Бругада нагласи дека сторителите нема да останат неказнети. Како што потврди функционер на градската управа, таа не била во возилото во моментот на нападот.
„Ова е брутална порака до Клара Бругада, за што несомнено се одговорни нарко-картелите “, изјави експертот за безбедност Дејвид Сауседо. Тој додаде дека криминалните групи, погодени од заплена на дрога, претходно ги напаѓале градските власти.
Во 2020 година, тогашниот началник на полицијата на Мексико Сити, Омар Гарсија Харфух, сега федерален министер за безбедност, беше ранет во обид за атентат во кој загинаа двајца негови телохранители. Потоа тој го обвини еден од најмоќните нарко-картели во Мексико, „Халиско Нуева Генерацијасион“, дека стои зад нападот.
