Полето, идентификувано како Хуижоу 19-6, се наоѓа на околу 170 километри од градот Шенжен, објави новинската агенција Ксинхуа.
Со пробното дупчење е постигнато дневно производство од 413 барели сурова нафта и 68.000 кубни метри природен гас, соопшти Цнооц.
Извршниот директор на државниот нафтен гигант Жу Ксинхуа го поздрави откритието во источниот дел на Јужното Кинеско Море, додавајќи дека компанијата Цнооц откри „нафтено поле од 100 милиони тони“.
Јужното Кинеско Море е недоволно истражено поради територијални спорови, но повеќето од познатите наоѓалишта на нафта и гас се во кинеските области, според американската Управа за енергетски информации (ЕИА).
Пекинг тврди дека има суверенитет над речиси целото море, додека Филипините, Малезија, Виетнам, Индонезија и Брунеи веруваат дека исто така го имаат тоа право.
Без оглед на откривањето на ова нафтено поле, Кина останува најголемиот увозник на сурова нафта во светот, со производство на околу 11,1 милиони барели дневно минатата година, според анализата на американската влада.
