Турскиот новинар Рагип Сојлу објави снимка од Анкара со описот: „Во Анкара паѓа снег среде април“.
It snows in Ankara in mid-April pic.twitter.com/W25pICcR5r
— Ragıp Soylu (@ragipsoylu) April 11, 2025
Метеоролозите вчера предупредија на обилни врнежи и силни ветришта. Гувернерот на Анкара Васип Шахин објави вчера дека сите образовни установи во главниот град на Турција денес ќе бидат затворени поради очекуваните временски услови.
Според неговата објава на социјалните мрежи, прогнозите покажувале дека снегот ќе почне да паѓа во раните утрински часови и ќе продолжи до пладне, со можна прекривка до 15 сантиметри во одделни делови од градот. Најавени се и ветришта од 40 до 60 км/ч.
„За да ги заштитиме нашите деца од можните неповолни услови, одлучени е наставата да се прекине во сите јавни и приватни образовни установи, како и во сите едукациски центри под наша ингеренција“, порача Шахин.
