Бомба разнесе возило во кампусот на универзитетот во Карачи додека превезувало кинески професори до Институтот Конфучие, изјави началникот на локалната полиција Мукадас Хајдер. Меѓу убиените има најмалку две жени од кинеска националност и еден маж, рече Хајдер, додавајќи дека четвртата жртва била пакистански возач.
First ever female suicide bomber from Baluchistan liberation army explodes herself in Karachi killing 3 Chinese citizens.
This is the moment of detonationUsing suicide bombers & specially females by BLA is the new dangerous phenomena. In the past only ttp had suicide bombers. pic.twitter.com/Qet6i6xDdU
— Zaid Hamid (@ZaidZamanHamid) April 26, 2022
Ослободителната војска на Балучистан (БЛА) „ја презема одговорноста за самоубиствениот напад“ врз комбето во близина на Кинескиот институт поврзан со универзитетот во Карачи, објави групата на Телеграм. Според Франс прес, БЛА веќе има извршено напади од големи размери врз кинески интереси во Пакистан.
БЛА наведува дека со овој напад мисијата за прв пат ја извршила жена самоубиец.
Минатата година, најмалку девет кинески работници кои работеле на проект за хидроелектрана биле убиени во северниот дел на Пакистан кога бомба која била поставена покрај патот го погодила автобусот што ги превезувал.
Пекинг работи на проект вреден 62 милијарди долари за изградба на мрежа од патишта и патеки за да го поврзат својот регион Ксинџијанг со Арапското Море во северозападен Пакистан. Проектот се смета за најкратката можна рута што ги поврзува копното и морето, а што ќе ѝ овозможи на Кина излез до Блискиот Исток, Европа, Африка и пошироко.
На неколку групи, вклучително и исламистички милитанти и локални бунтовници, често им се мета кинеските работници во Пакистан. Тие го обвинуваат Пекинг дека води империјална политика за кражба на нивните ресурси и минерали.
