Според британскиот неделник, „владини извори велат дека претседателот Володимир Зеленски бил „запрепастен“ од обемот на обвиненијата против членовите на неговиот внатрешен круг“.
На 10 ноември, НАБУ објави дека ја завршило една од најголемите антикорупциски операции во последната деценија, насочена кон злоупотреби во енергетскиот сектор на Украина. Истрагата траела година и пол, а во тој период, соопшти агенцијата, собрала околу 1.000 аудио снимки што документираат сомнителни активности.
Меѓу главните осомничени бил Тимур Миндич, еден од најблиските соработници на Зеленски и влијателен бизнисмен, опишан од киевските медиуми како „паричник“ на украинскиот претседател.
И иако Зеленски не бил вмешан во шемата, поранешен украински владин службеник за Фокс њуз рече дека се шират гласини дека тој бил вмешан и имал корист.
„Некои велат дека Зеленски бил свесен за овие шеми и дека тој ги одобрил“, тврди изворот за Фокс њуз.
„Исто така, постои сомневање дека парите завршиле на сметки во странство од кои имале корист Зеленски и неговиот внатрешен круг“, се додава.
Украинскиот претседател се дистанцира од измамата со тоа што ја пофали истрагата на Бирото за борба против корупцијата, па дури и охрабри казна за секој што е прогласен за виновен.
„Секој што составил коруптивна шема мора да добие јасен правен одговор. Мора да има кривични пресуди“, рече тој.
Овие откритија доаѓаат во време кога Киев очекува нов пакет финансиска помош од Западот, што ја прави аферата уште почувствителна во меѓународен контекст.
