„Брутален руски напад со дрон врз железничка станица во Шостка, Сумски регион“, напиша украинскиот претседател Володимир Зеленски на Телеграм, објавувајќи видео од уништен, запален патнички вагон и други со скршени прозорци.
Тој рече дека десетици патници и железнички работници се повредени.
A savage Russian drone strike on the railway station in Shostka, Sumy region. All emergency services are already on the scene and have begun helping people. All information about the injured is being established. So far, we know of at least 30 victims. Preliminary reports… pic.twitter.com/ZZoWfPmpL5
— Volodymyr Zelenskyy / Володимир Зеленський (@ZelenskyyUa) October 4, 2025
Регионалниот гувернер Олех Хрихоров рече дека во нападот е погоден воз што патувал од Шостка до главниот град Киев.
Лекари и спасувачи работат на местото на настанот, рече тој.
Шефицата на локалната окружна администрација, Оксана Тарасјук, изјави за украинската телевизија дека околу 30 лица се повредени во нападот. Нема непосредни извештаи за смртни случаи.
„Русите не можеа да не знаат дека целта им се цивили. Ова е тероризам што светот нема право да го игнорира“, напиша Зеленски.
Москва ги засили воздушните напади врз украинската железничка инфраструктура, погодувајќи ја речиси секој ден во последните два месеци.
Претседателката на Европската комисија, Урсула фон дер Лаен, го осуди нападот.
The EU stands with Ukraine as its people once again suffer at the hands of Russian barbarity.
The shocking scenes emerging from Shostka railway station highlight Russia’s reckless and continued willingness to target civilians.
The EU and its global partners must continue… https://t.co/jDVRkhFlzN
— Ursula von der Leyen (@vonderleyen) October 4, 2025
