Во објава на Икс, тој покрај фотографиите од теренот напиша дека, каде што е можно, спасувачките операции продолжуваат и дека главните цели се електричната мрежа, производствените погони и трафостаниците за дистрибуција на електрична енергија.
Штети се регистрирани во регионите Волин, Ивано-Франкивск, Лвов и Ривно, додаде тој.
Напади се регистрирани и во регионите Киев и Харков.
Wherever the security situation allows, rescue and repair operations continue at the sites of Russian strikes. Last night’s attack involved more than 400 drones and around 40 missiles of various types. The main targets were the energy grid, generation facilities, and distribution… pic.twitter.com/KrFE60Q0xy
— Volodymyr Zelenskyy / Володимир Зеленський (@ZelenskyyUa) February 7, 2026
„Операциите за воздушна одбрана сè уште се во тек во некои региони. Секој ден, Русија може да избере вистинска дипломатија, но наместо тоа избира нови напади. Клучно е секој што ги поддржува трилатералните преговори да реагира на ова“, напиша Зеленски.
Тој додаде дека на Москва мора да ѝ се одземе можноста да го користи студот како средство за притисок врз Украина.
„Ова бара испораки на ракетите за системот Патриот, НАСАМС и други. Секоја пратка ни помага да ја пребродиме оваа зима. Им благодарам на сите наши партнери кои го разбираат ова и кои искрено ни помагаат“, рече Зеленски.
