„Бев спремен на тоа. Но, очигледно морам да признаам, тоа не беше пожелно во Киев“, ги пренесува Билд зборовите на германскиот претседател.
Украинскиот извор за Билд кажал дека причината поради која Зеленски одбил средба со Штајнмаер е „фактот што има блиски односи со Русија“.
#German President Frank-Walter Steinmeier planned to visit #Kyiv, but Ukrainian President Volodymyr Zelensky refused to meet him, the German newspaper Bild reported, citing sources in the #Ukrainian government.https://t.co/cbvlqOjQxe
— NEXTA (@nexta_tv) April 12, 2022
Украинскиот амбасадор во Берлин Андриј Мелник за време на викендот јасно даде до знаење дека Киев очекува посета на германскиот канцелар Олаф Шолц наместо на претседателот Штајнмаер, чија функција е главно церемонијална.
Посетата на Штајнмаер би имала главно симболичен карактер, кажа украинскиот амбасадор Мелник, кој во Германија стекна репутација поради тоа што постојано се жалеше на „малата поддршка од лидерите на Европската Унија“.
„Наместо него би требало да дојдат канцеларот или други членови на германската влада, кои би можеле да донесат конкретни одлуки за понатамошна позначителна поддршка на Украина“, кажа Мелник.
Украина од Германија бара тешко вооружување, вклучувајќи тенкови и артилерија, но тоа го блокираше канцеларот Шолц кој инсистира на заедничко дејствување на ЕУ.
