„Од 2-ри до 3-ти јануари, просторот ќе биде отворен за сообраќај, ќе остане само мал дел од Пионерскиот парк во кој тие ќе останат некое време. Јас утре ќе одам да ги поздравам, да им се заблагодарам за сè и да им кажам дека ќе останат во книгите по историја бидејќи издржаа со својата храброст секакви притисоци и ја зачуваа татковината“, изјави Вучиќ за време на поставувањето камен-темелник за зградите на Министерството за одбрана и Генералштабот во Бањица.
Тој рече дека „државата Србија е одбранета“, осврнувајќи се на отстранувањето на шаторската населба позната како „Чациленд“, која веќе неколку месеци се наоѓа на просторот пред зградата на српскиот парламент.
Вучиќ додаде дека е задоволен што студентите почнале да користат редовни и легални политички канали и дека е нивно демократско право да користат кампања од врата до врата, иако ја критикувале владата кога го сторила тоа.
