Зборувајќи за ситуацијата со пченката и пченицата, Вучиќ кажа дека чека Русија да го забрани извозот на тие две житарки.
„Имаме предност само кај пченицата и пченката“, кажа српскиот претседател.
Додаде дека од четврток повеќе нема да има извоз на брашно од Србија, истакнувајќи дека Србија ќе има доволно за себе и за регионот.
„Не заборавајте дека ова ни се надоврзува на коронакризата, луѓе умираат, никој повеќе не зборува за тоа, бидејќи целиот свет се урива пред нас“, кажа тој.
Поради тежината на светската економска криза, Вучиќ наведе дека Европската Унија се спрема за рецесија, а Србија планирала раст од 4 отсто оваа година.
„Трета година рецесија за ЕУ. Не мислам дека е реално и нашиот раст да биде +4“, кажа тој.
„Сите се влезени во некаква светска војна, повеќе никој не размислува за своите интереси“, заклучи српскиот претседател.
[video:https://youtu.be/Td__iuAWkMM autoplay:0]
