Видеото, снимено од извидувачката артилериска батерија АРЕС, прикажува апокалиптични сцени од градот, од кој останале само урнатини. И покрај неговото целосно уништување, руските сили не се откажуваат од желбите за негово освојување и речиси секојдневно започнуваат напади кои редовно завршуваат со неуспех.
„Украинската одбрана останува цврста. Додека дронови ја следат ситуацијата од небото, украинската пешадија ги чека руските сили во подрумите на уништените згради и им нанесува големи загуби. Пораката од бранителите е јасна: Вовчанск е покриен со лузни, но не е скршен!“, објави АРЕС.
Тоа е град во центарот на руската офанзива врз Харковскиот регион, која започна во мај минатата година. Пред почетокот на офанзивата, во градот живееле 17.000 жители. Сега е претворен во урнатини и пепел.
