Повредите се пријавени главно во северните и централните региони на земјата, а повеќе од десетина згради се оштетени. Денешните снежни врнежи погодија 15 префектури, а се проценува дека снежната покривка во некои области ќе достигне висина и до два метра. Специјални работни групи се испратени во најтешко погодените области.
More insane video of the record breaking snow in Obihiro City, Japan, where 85 cm has fallen in just six hours ❄️☃️❄️ pic.twitter.com/lXIcgWTcsc
— Volcaholic 🌋 (@volcaholic1) February 3, 2025
Поголемиот дел од смртните случаи и повредите низ целата земја се предизвикани од паѓања на луѓето додека се обидувале да го исчистат снегот околу своите домови. Пријавени се и случаи на ненадејни срцеви удари. Во градот Уонума, во префектурата Ниигата, позната по одгледувањето ориз, маж на возраст од околу 50 години беше пронајден колабиран на покривот од својата куќа. Во градот Нагаока, се верува дека маж на околу 70 години починал откако паднал од покривот на куќа.
Japan: Today, Sapporo had the heaviest snowfall ever recorded for the month of January.pic.twitter.com/CD9amYLhDE
— Volcaholic 🌋 (@volcaholic1) January 25, 2026
Времето станува потопло, но властите предупредија дека топењето на снегот може да предизвика лизгање на земјиштето. „Ве молам да обрнете посебно внимание на сопствената безбедност. Носете шлем или користете безбедносно јаже, особено додека чистите снег“, изјави главниот секретар на кабинетот Минору Кихара за новинарите.
Heavy snowfall has hit multiple Japanese cities, killing at least 30 people and injuring hundreds, prompting the gov’t to deploy troops. pic.twitter.com/BvoEPgBaQu
— Al Jazeera English (@AJEnglish) February 3, 2026
Причината за толку обилни снежни врнежи не е јасна, но смртните случаи и несреќите поврзани со снегот не се невообичаени во Јапонија. Според податоците од Јапонската агенција за управување со пожари и катастрофи, 68 лица загинале во текот на шесте зимски месеци минатата година.
