Според српските медиуми, инцидентот се случил на влезните скали на станицата. Полицаецот прво се обидел да ги избегне повеќекратните напади и да ја совлада девојката, но таа не се откажувала од нападот и покрај неговите предупредувања. За да се одбрани, полицаецот бил принуден да го употреби службениот пиштол и ја застрелал во нога.
Девојката веднаш била пренесена во Военомедицинската академија (ВМА) по инцидентот. Според првичните информации, таа е свесна, комуникативна и претрпела повреда на долен екстремитет.
Полицијата спроведува истрага на местото на настанот. Мотивот за нападот врз службеното лице засега е непознат и ќе се утврди за време на детална истрага што ќе ја спроведат надлежните органи.
