Тужбата поднесена во федералниот суд бара да се издаде налог за забрана на распоредувањето на Националната гарда. Во неа се вели дека распоредувањето е неуставно и крши неколку федерални закони.
„Вооружени војници не треба да ги надгледуваат американските граѓани на американска почва“, напиша главниот државен обвинител на округот Колумбија, Брајан Швалб, на Икс.
„Присилната воена окупација на Вашингтон е кршење на нашата локална автономија и фундаментални слободи. Мора да престане“, додаде тој.
NEW: We are suing to block the unlawful deployment of National Guard troops to DC.
Armed soldiers should not be policing American citizens on American soil.
The forced military occupation of the District of Columbia violates our local autonomy and basic freedoms. It must end.
— AG Brian Schwalb (@DCAttorneyGen) September 4, 2025
Откако се врати во Белата куќа во јануари, американскиот претседател Доналд Трамп се обиде да ја прошири улогата на војската на американска почва, што критичарите го сметаат за опасно проширување на извршната власт што може да поттикне тензии меѓу војската и обичните граѓани.
Трамп минатиот месец распореди војници на Националната гарда во Вашингтон, велејќи дека тие „повторно ќе го воспостават законот, редот и јавната безбедност“. Тој исто така ја стави Метрополитен полицијата на округот Колумбија под директна федерална контрола.
