Министерството за енергетика на Украина го опиша ноќниот напад како „масовен комбиниран напад… врз објектите на енергетската инфраструктура“.
Horror in Kyiv! An apartment building is on fire after the russian attack‼️ pic.twitter.com/JMZ7GUgXph
— Kate from Kharkiv (@BohuslavskaKate) November 25, 2025
Според началникот на Воената администрација во Киев, Тимур Ткаченко, најмалку едно лице е убиено, а седум се ранети во Киев. Вкупниот обем на штетата и бројот на жртвите сè уште се утврдуваат.
Во текот на ноќта, украинските воздухопловни сили прогласија ракетна тревога за целата земја откако бомбардерите МиГ-31 полетаа од руските воздухопловни бази. Околу 1 часот наутро, во Киев одекнаа силни експлозии, а детонациите продолжија во следниот час, објавија новинарите на Киев Индепендент од терен. Властите предупредија на закана од балистички ракети и потврдија дека воздушната одбрана дејствува над градот.
Во Печерскиот округ, неколку високи згради беа оштетени и зафатени од пламен, изјави градоначалникот Виталиј Кличко. Новинарите на Киев Индепендент претходно известуваа за активност на беспилотните летала во областа.
🔴 Russian forces have been conducting a massive missile and drone attack against Kyiv all night.
Preliminarily, two people were killed, and seven were injured, according to local authorities. The attack is still ongoing. pic.twitter.com/bC6O6z8uUa
— UNITED24 Media (@United24media) November 25, 2025
Една од целите беше станбена зграда со 22 ката, која претрпе оштетувања на неколку ката. Друга зграда се запали во областа Дњепар, при што беа повредени станари и спасувачите беа принудени да интервенираат. Едно лице загина. Пожарот е локализиран, службите за итни случаи сè уште бараат можни жртви, соопшти Државната служба за вонредни ситуации.
Надвор од главниот град, нападите погодија куќи и станови во регионот на Киев, што доведе до итни евакуации. Четири куќи во градот Била Церква беа „целосно уништени“, соопшти Државната служба за вонредни ситуации. Едно 14-годишно момче беше исто така повредено.
Ракети и беспилотни летала се пријавени и во други региони, вклучувајќи ги регионите Запорожје и Харков.
Kyiv. russian degenerates have struck a residential high-rise again.
How is this supposed to look like an intention for peace? pic.twitter.com/m5evooK2jY
— UAVoyager🇺🇦 (@NAFOvoyager) November 24, 2025
Русија редовно извршува масовни напади врз украинските градови, а во последните месеци дополнително ги интензивираше нападите врз енергетската инфраструктура за да ја турне Украина во уште една сурова зима. Овој немилосрден притисок врз клучните украински објекти и системи за греење е поврзан со континуираниот притисок на САД врз Киев да прифати мировен план што во голема мера и користи на Москва, пренесува Киев Индепендент.
„Зимата е студена, а многу големи електрани беа, благо речено, нападнати“, изјави американскиот претседател Доналд Трамп на 21 ноември.
Kyiv, right in the city center.
russia is a terrorist state. Nothing else. https://t.co/5MsiImI5b8 pic.twitter.com/oYHEUhytxm
— UAVoyager🇺🇦 (@NAFOvoyager) November 24, 2025
Украинскиот претседател Володимир Зеленски, исто така, ги предупреди Украинците да очекуваат континуирани руски напади во услови на тековните мировни преговори и ги повика меѓународните партнери сериозно да го сфатат непочитувањето на дипломатијата од страна на Русија.
„Мора да бидеме свесни дека Русија нема да го намали притисокот врз Украина, врз нашиот народ“, рече Зеленски неколку часа пред Русија да истрела нови балистички ракети кон Киев.
„Овие денови, овие недели, мора многу внимателно да ги слушаме воздушните предупредувања. Знаеме точно со кого си имаме работа… И би било фер сите наши партнери – првенствено американската страна – да го земат предвид фактот дека… ако навистина ја завршуваме војната, тогаш не смее да има ракети, не смее да има масовни напади врз Украина, врз нашиот народ“, рече тој.
