„Украинскиот парламент го ратификуваше историскиот договор за економско партнерство меѓу Украина и САД“, објави украинската министерка за економија Јулија Свириденко на Икс.
Документот се однесува на екстракција на минерали, нафта и гас во Украина.
Тој не вклучува безбедносни гаранции за Киев, иако Украина инсистираше на тоа.
Свириденко претходно изјави дека се надева оти договорот ќе ѝ овозможи на Украина да добие нова воена помош од администрацијата на претседателот Доналд Трамп, кој сака да стави крај на војната меѓу Украина и Русија.
Договорот беше потпишан кон крајот на април по неколку недели тензии меѓу Киев и Вашингтон, кои кулминираа со вербален судир меѓу претседателот Доналд Трамп и украинскиот претседател Володимир Зеленски во Овалната соба кон крајот на февруари.
Русија ја нападна Украина во февруари 2022 година, а двете земји се во жестока војна оттогаш.
