„Овде се работи за најбруталната агресивна војна од времето на нацистичкиот напад на Украина, ова не е градинка“, рече Мелник, како реакција на забелешките што Шолц ги даде за време на интервју во понеделникот вечерта.
Во интервјуто, Шолц вели дека одлуката на Украина минатиот месец да не го пречека германскиот претседател Франк Валтер Штајнмаер „стои на патот“ на неговото патување во Киев.
Тоа не е прифатлив начин на однесување кон претседателот на „земјата која обезбедува толку многу воена помош, толку многу финансиска помош, кои се потребни кога станува збор за безбедносните гаранции кои се важни за иднината на Украина“, рече Шолц.
Но, Мелник го отфрли образложението на Шолц. „Не звучи многу државнички да се однесуваш како навреден ‘колбас од црн дроб’“, одговори тој, користејќи германски сленг термин – beleidigte Leberwurst – за некој што лесно се навредува или не може да прифати шега, пренесе Политико.
Шолц претходно негираше дека бавно реагирал на руската инвазија на Украина: „Отсекогаш брзо сум носел одлуки, заедно со сите други, но мора да делуваме со ладна глава и претпазливо“.
