Полковник Јевген Хлебников е назначен за раководител на новата единица, кој ќе му поднесува извештаи на заменик-командантот на украинските Воздухопловни сили, Павло Јелизаров. Задачата на групата ќе биде да „анализира, да се спротивставува и да предвидува идни закани“, напиша Федоров на социјалните мрежи, објавува „Киев пост“.
820,000 enemy targets destroyed by the Ukrainian Army in 2025.
Among them — equipment, armor, tanks, and 240,000 Russian personnel eliminated. All results verified in the Army of Drones.Bonus system.
Each strike confirmed by UAV video. pic.twitter.com/yIzXhf0Me1— Mykhailo Fedorov (@FedorovMykhailo) January 27, 2026
Министерството за одбрана го опиша Хлебников како личност со искуство на бојното поле и лидерски квалитети. Тој служел во противвоздушните ракетни единици на Воздухопловните сили и работел на развојот на воздушната одбрана во рамкина Генералштабот на Вооружените сили на Украина.
Неговата улога во управувањето со употребата на беспилотните летала Бајрактар за време на одбраната на Киев и Черниховската област во раните денови од руската инвазија е особено значајна, а учествувал и во планирањето на операцијата за ослободување на Змискиот остров.
Федоров нагласи дека примарна задача на Хлебников е да изгради систем способен брзо да одговори на новите предизвици со цел да го заштити украинското небо.
„Русија напаѓа украински градови со стотици дронови секој ден“, напиша Федоров. „Само во изминатиот месец имаше повеќе од 6.000 дронови. Напади врз станбени згради, клучна инфраструктура, возови – теророт врз мирните Украинци не запира. Непријателот постојано ги подобрува модификациите на дроновите и тактиките на напад за да ги постигне своите цели.“
Министерот исто така предупреди и на новите ризици. „Секој ден носи нов ризик, на пример, дронови со Старлинк“, рече тој, алудирајќи на неодамнешните извештаи дека руските дронови сега се водени преку сателитскиот систем во сопственост на американскиот претприемач Илон Маск.
„За брзо да одговориме на секој нов предизвик, треба да изградиме систем за анализа, спротивставување и предвидување на идните закани. Ова бара ефикасен мал систем за воздушна одбрана и пресретнувачи. По налог на претседателот, го менуваме нашиот пристап кон заштитата на небото за да ја зголемиме ефикасноста на спротивставувањето на непријателските напади.“
Федоров исто така најави и понатамошни планови за зајакнување на одбраната. „Во блиска иднина, ќе ја зајакнеме командата и контролата во секој регион и ќе продолжиме да градиме силен тим за развој на мала воздушна одбрана“, рече тој. „Ова се првите одлуки на реорганизираниот тим на Министерството за одбрана за изградба на ефикасен систем за заштита на украинското небо. Но, сè уште има многу чекори пред нас за да постигнеме резултати и да ја подобриме ефикасноста на пресретнувањето.“
