„Нема никакви докази, таков напад не се случи“, напиша Сибиха на социјалните мрежи. Тој додаде дека Русија има „долг список на лажни тврдења“, што, како што рече, е нивна препознатлива тактика. „Тие често ги обвинуваат другите за она што самите планираат да го направат. Нивните зборови никогаш не треба да се земаат здраво за готово“, рече тој.
Almost a day passed and Russia still hasn’t provided any plausible evidence to its accusations of Ukraine’s alleged “attack on Putin’s residence.” And they won’t. Because there’s none. No such attack happened.
We were disappointed and concerned to see the statements by Emirati,…
— Andrii Sybiha 🇺🇦 (@andrii_sybiha) December 30, 2025
Изјавата доаѓа откако Украина остро ги отфрли руските тврдења за наводниот напад во регионот Новгород. Рускиот министер за надворешни работи Сергеј Лавров вчера тврдеше дека во нападот биле уништени 91 украински дрон и објави дека Москва ќе ја преиспита својата преговарачка позиција, со порака дека веќе е одлучено како Русија ќе возврати.
Украинскиот претседател Володимир Зеленски ги нарече обвинувањата „лажни“ и тврдеше дека Кремљ подготвува оправдување за нови руски напади. Според него, целта на Москва е да создаде изговор за напади врз Киев и државните институции.
„Ако нема скандал меѓу Украина и САД и ако постои напредок, тоа е неуспех за Русија бидејќи тие не сакаат да ја завршат војната“, рече Зеленски, предупредувајќи дека сите мора да бидат внимателни од можни напади врз главниот град.
Russia is at it again, using dangerous statements to undermine all achievements of our shared diplomatic efforts with President Trump’s team. We keep working together to bring peace closer.
This alleged “residence strike” story is a complete fabrication intended to justify…
— Volodymyr Zelenskyy / Володимир Зеленський (@ZelenskyyUa) December 29, 2025
Зеленски исто така рече дека американскиот претседател Доналд Трамп, неговата администрација и европските сојузници треба поактивно да се вклучат во ситуацијата за да извршат притисок врз Москва. Тој на социјалните мрежи заклучи дека Русија „се врати на своето“.
