„Русија мора да ги повлече сите свои преостанати сили од заедничката граница на земјите“, рече украинскиот министер за надворешни работи Дмитро Кулеба.
„Ние имаме правило: не верувајте во она што го слушате, верувајте во она што го гледате“, им рече тој на новинарите по информациите дека некои руски војници се враќаат во базата. „Кога ќе видиме повлекување, ќе поверуваме во деескалација.“
Дел од силите од руските воени области во соседството на Украина се враќаат во своите бази по завршувањето на вежбите, соопшти денеска руското Министерство за одбрана, потег што може да ги намали тензиите меѓу Москва и Западот.
