Вицепремиерката на земјата Ирина Верешчук изјави на телевизиски брифинг „ова се илјадници тела на окупаторите. Ова е хуманитарна потреба. Бараме телата на руските окупатори да ја напуштат територијата и да се однесат во Руската Федерација.“
Таа директно побара од Црвениот крст: „Направете сѐ што е потребно за да се реши овој хуманитарен проблем“.
Претходно, украинската војска на Фејсбук соопшти дека се убиени повеќе од 3.500 руски војници. Русија засега не признава дека има жртви.
Вчера ИТВ њуз објави документи на руското Министерство за здравство за кои се чини дека ги откриваат подготовките на Москва за масовни жртви во конфликтот, поради што ќе биде потребно регрутирање лекари.
