Руски проектили и денес го засипаа Киев, а на жителите им било речено да подготват молотови коктели и да го бранат градот. Првите руски единици, извидувачки и диверзантски, претходно влегле во северната киевска област Оболон. Москва тврди дека повторно го заземала аеродромот Хостомел северозападно од градот, витална точка за планираниот напад врз градот.
#Kyiv region prepare to meet the invaders pic.twitter.com/EaGms8Dluf
— NEXTA (@nexta_tv) February 25, 2022
„Градот е во одбранбена фаза. Куршуми летаат, а во некои населби одекнуваат експлозии. Саботерите веќе влегоа во градот“, рече Кличко.
Ukrainian military police in full combat gear running to defend the city as Russian troops close in on Kyiv. pic.twitter.com/UDe9YIhWTN
— Ian Pannell (@IanPannell) February 25, 2022
Главниот стожер на украинската војска извести дека украинските сили пружаат силен отпор на „руските окупатори“ околу Киев.
#Ukraine ??: weapons being distributed among defense units in #Kyiv as locals prepare to defend the capital from the Russian invasion pic.twitter.com/7yFERjf6vN
— Thomas van Linge (@ThomasVLinge) February 25, 2022
Во Димер и Иванкив, населби северозападно од градот, украинската војска го запре налетот на непријателските сили на реката Тетрив. Уништен е мостот преку реката, се вели во соопштението. Русите го нападнале аеродромот во западниот град Ривне, јавуваат медиумите. Борби има и во Суми, на североисток, во близина на руската граница.
Украинското министерство за одбрана соопшти дека украинската војска убила повеќе од илјада руски војници. Украинската војска смета дека Русите се обидуваат да воспостават коридор од Крим до сепаратистичките области во источна Украина.
Претседателот Володимир Зеленски на Твитер јави за жестоки борби на влезот во источните градови Чернигов и Мелитопол. Американските власти веруваат дека целта на Русите е да го соборат Зеленски и неговата влада.
Извори блиски до украинското претседателство изјавија дека Украина е подготвена за преговори со Русија, вклучително и за својот можен неутрален статус. Рускиот министер за надворешни работи Сергеј Лавров изјави дека тоа е лага и дека нема да има преговори додека украинската војска не го положи оружјето.
