„Слушам дека не само Унгарија, туку и Австрија и Германија се спремни да го платат рускиот гас во рубли“, напиша Туск на Твитер и праша дали тие земји се сè уште „во еврозоната или во рубља зоната“.
I’ve heard that not only Hungary but also Austria and Germany are ready to pay for the Russian gas in rubles. Are they still in eurozone or in rublezone?
— Donald Tusk (@donaldtuskEPP) April 27, 2022
Поранешниот полски премиер со тоа реагираше на медиумските извештаи според кои германскиот концерн Унипер, но и австриски ОМВ и понатаму планираат да плаќаат во евра, но на сопствени сметки во Газпромбанк, преку која уплатите се конвертираат во рубли.
Фајненшал тајмс објави, повикувајќи се на неименувани избори, дека ОМВ во Газпромбанк во Швајцарија планира да отвори сметка во рубли за плаќање на рускиот гас.
Од ОМВ веднаш реагираа соопштувајќи дека веста е неточна, без наведување што е погрешно во неа.
Австрискиот канцелар Карл Нехамер вчера кажа дека Австрија и понатаму го плаќа гасот во евра и дека тоа го прави преку Газпромбанк.
