Пржено пилешко во комбинација со ледено ладно точено пиво, познато како „чимаек“, е искуство што секој мора да го проба при посета на Јужна Кореја. Технолошките могули се сретнаа во „Канбу чикен“ во срцето на јужнокорејската престолнина пред самитот на АПЕК во Гјонгџу.
Освен што е име на синџир ресторани, „канбу“ е сленг за многу близок пријател.
„Обожавам пржено пилешко и пиво со пријатели, па Канбу е совршено место, нели?“, им рече Хуанг на собраните кои го емитуваа настанот во живо по неговото пристигнување.
Според националната новинска агенција Јонхап, триото – чие вкупно богатство се проценува на 195 милијарди долари – јадело топчиња и стапчиња од сирење, пилешко без коски и пржено пилешко, корејско пиво Тера како и локален оризов ликер соџу. На снимките од локалните медиуми се гледаат како ги испреплетуваат рацете во здравица со пиво, гест што го симболизира јакнењето на пријателството во Јужна Кореја.
People who watch this video may not believe it. 😂
These characters are Jensen Huang, Lee Jae-yong, and Jeong Eui-sun.
Yes, they are the CEO of Nvidia, Samsung, and Hyundai, respectively. pic.twitter.com/kMNI0KUVT1
— Tsla Chan (@Tslachan) October 30, 2025
Хуанг, Ли и Чунг излегоа надвор за да им понудат на собраните пилешко и стапчиња од сирење.
„Пилешките крилца беа толку вкусни. Дали сте биле тука порано? Неверојатно е, нели?“, рече Хуанг кога го прашаа за неговите омилени јадења. „Некој? Пржено пилешко?“, понуди тој, држејќи корпи со храна.
Кога Хуанг заѕвони на „златното ѕвонче“, гест што се користи за плаќање на сметката за сите гости во ресторан, се појави излив на воодушевување. Сепак, според Јонхап, Ли од Самсунг ја платил првата сметка, додека Чунг ја платил втората рунда.
Неформалниот состанок се одржа пред самитот на АПЕК во Гјонгџу, на кој пристигнаа голем број азиски лидери, вклучувајќи го и кинескиот претседател Си Џинпинг, кој доаѓа по трговските разговори со американскиот претседател Доналд Трамп.
Пристапот до најсовремени чипови за вештачка интелигенција – како оние што ѝ дадоа на Енвидиа пазарна капитализација од околу 5 трилиони долари – е едно од клучните прашања во односите меѓу САД и Кина.
По вечерата, тројцата лидери се упатија кон Џифорс гејмер фестивал на Енвидиа. Таму, Хуанг, придружуван од Ли и Чунг, вети голема најава на самитот на АПЕК во петок.
„Моите најави ги вклучуваат моите пријатели и ние ќе направиме неверојатни работи за иднината на Кореја“, им рече тој на присутните.
