Во таканаречената „Претседателска патека на славните“ сега се наоѓаат натписи, очигледно напишани од самиот Трамп, кои содржат остри критики на сметка на Џо Бајден, Барак Обама, па дури и кон републиканецот Џорџ В. Буш, објави Скај њуз.
Најтешки обвинувања се упатени кон Џо Бајден, на чиј натпис пишува: „Поспаниот Џо Бајден убедливо најлошиот претседател во американската историја“. Во ходникот каде што се наоѓаат портрети на сите поранешни американски претседатели, сликата на Бајден е заменета со фотографија од автопен.
Трамп постојано тврди дека Бајден бил ментално неспособен да служи до крајот на својот мандат и дека неговиот персонал донесувал одлуки наместо него, користејќи автопен за потпишување документи без негово знаење. На плочката, исто така, лажно се обвинува Бајден дека ги добил „најкорумпираните избори досега“ и се тврди дека „без преседан користел автопен“.
This isn’t AI.
Get a cup of coffee, sit down, exhale and read these plaques Trump has added to Presidential portraits in the White House Walk of Fame. pic.twitter.com/d2GgGR8VLN
— Shiv Aroor (@ShivAroor) December 18, 2025
Другите претходници не се поштедени. На плочката посветена на Барак Обама пишува „Барак Хусеин Обама“ и го опишува како „една од најраздорните политички фигури во американската историја“.
Џорџ В. Буш, исто така републиканец, но не и поддржувач на Трамп, исто така доби критика. На неговата плочка се вели дека поранешниот претседател „започнал војни во Авганистан и Ирак, од кои ниту една не требало да се случи“.
На натписот под фотографијата на Бил Клинтон се споменува неговата сопруга: „Во 2016 година, сопругата на претседателот Клинтон, Хилари Клинтон, ги загуби претседателските избори од претседателот Доналд Џ. Трамп!“
„Претседателската патека на славните“ е неодамнешен додаток на Белата куќа и содржи портрети по должината на ходник помеѓу Овалната соба и Јужниот тревник. Портпаролката на Белата куќа, Керолајн Ливит, рече дека плочките се „елоквентен“ опис на наследството на секој претседател.
🏛 #Trump turns White House into his personal Truth Social museum.
✍️ According to The Washington Times, many of the plaques were written by Trump himself — a claim the White House press secretary proudly confirmed.#WhiteHouse@AadiAchint @ajaykraina pic.twitter.com/fJXrrYRsHa
— Mjrocksss (@Mritunjayrocks) December 18, 2025
„Како студент по историја, многу од нив се напишани од самиот претседател“, рече таа. Поставувањето плочки е најновата во низата промени во Белата куќа на Трамп, во која се забележува зголемена употреба на златни акценти и позлатени елементи, имитирајќи ги декорациите во Трамповата кула во Њујорк и неговиот имот Мар-а-Лаго во Флорида.
