„Патем, уште една прекрасна армада прекрасно плови кон Иран во моментов. Па, ќе видиме“, рече Трамп во вчерашниот говор во американската држава Ајова. Не беше јасно дали Трамп мисли на носачот на авиони УСС Абрахам Линколн и придружните воени бродови кои веќе пристигнаа на Блискиот Исток во понеделник или на други американски воени сили.
Во меѓувреме, регионалната команда на американската војска, ЦЕНТКОМ, најави повеќедневна вежба на воздухопловните сили на Блискиот Исток.
Trump issues new threats against Tehran: ‘Another beautiful armada is floating beautifully towards Iran’ pic.twitter.com/e1Ai0CQ7K9
— HatsOff (@HatsOffff) January 28, 2026
Трамп неодамна одби да ја исклучи американската воена интервенција во Иран по насилното задушување на протестите што, според групите за човекови права и сведоците, резултираше со илјадници мртви. Што се однесува до раководството во Техеран, Трамп во Ајова рече: „Се надевам дека ќе постигнат договор“.
Претходно тој изјави за американскиот новински медиум Аксиос дека Иран е заинтересиран за дипломатско решавање на тензиите со САД. Ситуацијата со Иран е „променлива“ бидејќи САД испратија голема флота во регионот, изјави Трамп за „Аксиос“ во интервју.
