За време на телефонскиот разговор, Трамп изрази надеж дека Владимир Путин „ќе биде добар“. „Ако не, тоа ќе биде тешка ситуација“, предупреди тој. Тој се осврна и на односот меѓу украинскиот и рускиот претседател, велејќи дека мисли дека Володимир Зеленски и Путин се „добри“.
Кога беше прашан за безбедносните гаранции за Украина, Трамп беше јасен – европските нации „ќе го преземат товарот“. „Тие сакаат да имаат војници на терен“, рече тој, осврнувајќи се на Франција, Германија и Велика Британија. „Мислам дека тоа нема да биде проблем“.
Сепак, кога беше прашан дали може да гарантира дека американските војници нема да бидат на терен, тој цврсто одговори: „Ја имате мојата гаранција, а јас сум претседател“. Тој додаде дека неговата главна цел е јасна: „Само се обидувам да спречам луѓе да бидат убиени“.
За време на интервјуто, Трамп наговести дека американската поддршка за безбедноста на Украина може да дојде во форма на воздушна сила, и го повтори својот претходен став дека секогаш ја сметал Украина за „тампон зона“ меѓу Русија и Европа.
Трамп откри дека по вчерашната средба со Зеленски и европските лидери, имал „многу добар разговор“ со Путин. „Не го направив тоа пред нив, мислам ќе беше непочитување кон претседателот Путин“, појасни тој, додавајќи: „Путин не би разговарал со луѓе од Европа“.
“It takes…two to tango.”
President Trump opens up about the challenges of trying to set up a meeting between Putin and Zelenskyy, and end the bloodshed between Russia and Ukraine. | @foxandfriends pic.twitter.com/Gt8rykxZey
— Fox News (@FoxNews) August 19, 2025
Трамп исто така зборуваше за предизвиците во преговорите со Путин и Зеленски.
„Му реков на Путин дека ќе договориме средба со претседателот Зеленски и дека двајцата ќе се сретнат, а потоа, ако сè оди добро по таа средба, јас ќе го преземам водството и ќе ја завршиме приказната. Но, знаете, во овој случај за танго се потребни двајца. Тие мора да имаат барем некаков однос. Инаку, само губиме многу време. А јас не сакам да го правам тоа.
Само сакам тоа да го завршам. Сакам да го завршам. Знаете, не губиме американски животи. Не губиме американски војници. Се губат руски и украински… претежно војници, и некои луѓе, кога ракетите ќе погодат погрешни места или ќе паднат врз градови како Киев и помали градови.
Но, знаете, ако можам да спасам 7.000 луѓе неделно од умирање, мислам дека тоа е… сакам да се обидам, ако е можно, да влезам во рајот.“
